neljudzim

Bay

2009-11-25T01:20:28Z

Ёсьць тут у нас заліў. Значны, нават усё наваколле тут клічацца Сан Францыска Бэй Эрыя (эрыя заліву Сан Францыска). Там ніжэй я пакажу мапу, а тут вось вам фота яго пачатку, да маста на ёй нават акіян:

Так, пачынаецца заліў мостам "Залатыя вароты". :) Не памылюся, калі скажу што сусьветнавядомы сымбаль. Сам заліў ідзе літарай Г, згібам якой злучаны з акіянам (зноў жа ўсё на мапе ніжэй).

На поўдзень сіліконавая даліна тая самая. А, дарэчы, гэта раней я лічыў што гэтая крэмніевая даліна толькі на поўдні заліву, Санта Клара там, Маунтын В'ю, Сан Хасэ, (калі ў Яху працаваў, то думаў што вось ездзіў у сіліконку), але ж пазней даведаўся што нейкія там гасударственныя дадзеныя калі складаюцца, то да яе адносіцца шмат больш тут, нават Сан Францыска, амаль усе навакольныя месцы %)

Сан Францыска на паўвостраве, з трох бакоў вада, расці няма куды (з чацвёртага боку падаперты іншымі маленькімі гарадкамі, прыгарады яго, яны асобна ўлічваюцца, нават калі там мяжа праходзіць па жылой вуліцы, таму, напрыклад, колькасьць жыхароў самаго толькі СФ меней за мільён :) )

Але ж заліў: тут у ім, у цэнтры (ля СФ), той самы востраў Алькатрас, з той самай турмой знакамітай, ёсьць там некалькі доўгіх мастоў, Бэй Брыдж напрыклад (з сф на землю :), на матэрык, у сярэдзіне ён праходзіць праз востраў, Йерба Буэна, там на фота вышэй ён бачны (дарэчы Алькатрас таксама там бачны), а ля Йербы Буэны плоская частка - то Востраў Скарбаў, штучны зроблены :) ) На фота Алькатраз з левага боку, а Йерба Буэна з востравам Скарбаў - над левай вежай Голдэн Гейту, ну й бачна як там ідзе Бэй Брыдж у яго і далей. Заблыталіся ўжо ў іх? Ну й СФ зразумела ж бачны на фота.

На другім беразе заліву Берклі са сваім знакамітым універсітэтам, зажаты паміж Окландам ды Рычмандам, вельмі крымінальныя гарадкі (Окланд тут пару дзён таму патрапіў на трэцяе месца ў штатах па крымінальнасці, абагнаўшы Дэтройт у гэтым годзе (быў чацвёртым дагэтуль)). Але ж Бэрклі - ён клёвы, з усімі сваімі хіппарамі ды сацыялістамі рознымі..

Паромы з Іст Бэю ў СФ ходзяць, ды электрычка пад вадою... (ну й масты ж зразумела астатнім). Яхты ды баржы розныя на вадзе ўвесь час.. Окланд мае порт грузавы, усялякія кантэйнеры з Кітаю там разгружаюцца (у СФ таксама ёсьц порт, але нейкі больш цывільны)

На поўначы ціхія гарадкі, недзе там жыве Карлас Сантана :) Сьнедалі мы тут у адным месце, і даведаліся што яно належыць яму :) і што ён раней жыў на ўсходзе заліву, а пазней пераехаў на поўнач, але ж усё роўна ў гэтых мясцінах :)

Усё гэта навокал заліву. Вось сам заліў на гугл мэпс (там нават я паказаў адкуль здымак рабіў, што вышэй):

maps.google.com/maps

Ну спадзяюся што зараз вы ўсе ўпэўнены што наш заліў існуе..

Да чаго гэта ён? - запытаецеся вы (нічога вы не запытаецеся, нават ня ўпэнены што чытаць будзеце, а не хутка прабяжыцеся па карцінках), але ж скажу да чаго, увесь пост уласна да гэтага:

Ёсьць такія Яндэкс, ёсьць у іх там мапы, дык яны НАС ПАЗБАВІЛІ НАШАГА ЗАЛІВУ!!!
Наце, параўнайце:

maps.yandex.ru/

з maps.google.com/maps (гмапс зноў, толькі трошкі паменьшана, каб маштаб быў падобны (ЗАЛІЎ ДОБРА БАЧНЫ!!!))

Нажаль павялічыць бліжэй у яндэксу немагчыма, але ж і так добра бачна што няма..

Абураюся!

:)

neljudzim @ 2009-09-30T18:49:00

2009-10-01T04:27:37Z

а ў панядзелак што было!

Спачатку, недзе амаль перад абедам, нашая офіс-мэнэджар прайшлася па офісу і заклікала ўсіх неадкладна на раптоўны збор усяго персаналу канторы.. Ці не канвульсіі крызісу падумаў я і пайшоў зацікаўлены туды, узгадваючы розныя байкі як раптоўна спынялі сваё існаваньне канторы ў адзін дзень.. :\ :)

Але ж апынулася што падстава збору зусім ня тая.. Звонку паліцыя, пажарныя, бомб скуад... А мы працуем - наступны будынак да трансбэй тэрміналу (штосьці як вялікі аўтавакзал зараз, з плянамі розных электрычак ды паромаў у быдучым (паромы зразумела ж на вадзе застануцца), там зараз будуюць гэты будучы, толькі я ня ведаю дакладна што ды як будзе), дык вось, вуліца перакрыта, усім загадана калі патрэбнасці няма - не выходзіць, а тое й падрыхтавацца да эвакуацыі... Нашыя вырашылі што такі трэба ўсім пайсці прэч %) і працаваць з хат. (бо хтосьці пойдзе на абед, хтосьці па каву, а калі загадаюць эвакуацыю - дык хрэна будзе вядома хто тут а хто не, і ці ўсе сышлі ці хто зараз вернецца ды ўсё такое..) Што адбываецца было невядома, ў лякальных газэтах ў сеціве нічога не з'явілася на тый момант, падумалі што здымаюць кіно ці серыял які - але ж мэнэджмэнт будынку нічога ня ведаў аб гэтым, а іх бы ў такім выпадку папярэдзілі б (ну а яны нас)...

Ну я й пайшоў.. Запытаўся звонку ў вусатага пажарнага што здарылася, ён адказаў што падазорная сумка. Я там трошкі прайшоўся навокал - цалкам перакрылі 6 блёкаў (трансбэй тэрмінал - займае паловы двух з іх), з жоўтымі стужкамі паліцэйскімі..

На самой справе нічога там не было, нехта пакінуў сумку з адзёжай вялізную, але ж better safe than sorry.

(Ня трэба думаць што тут увесь час так рэагуюць на пакінутыя рэчы, гэта зараз там недзе затрымалі некага, хто выбухі, здаецца, рыхтаваў, ня памятаю дзе, здаецца NYC, ну а тут трансбэй тэрмінал, важны вузел, вось і зрэагавалі). АЛЕ Ж 6 БЛЁКАЎ!!!

neljudzim @ 2009-09-09T20:55:00

2009-09-10T05:33:59Z

ё

Aeon Flux руліць неабмежавана (не кіно толькі, зразумела ж)

Прайшлі вялікія выхадныя (панядзелак гэты быў непрацоўны, Labor Day (меснае 1ае траўня %) )), а мы, нягледзячы на папярэднія спробы заплянаваць сабе падарожжа за трыдзевяць зямель, засталіся ў Калі. Бо ў гэтым дзіўным месце шмат усяго каб знайсьці дагэтуль пакуль ненаведанага намі. Бэй Брыдж быў зачынены (там будуюць новы мост ля яго, каб палегчыць трафік, і злучалі іх у гэтыя дні, а да таго ж натыкнуліся на нейкі раскол там, праз яго мост нават збіраліся адчыніць толькі ў сераду, але ж такі паспелі ў аўторак, як і плянавалі, толькі што на дзве гадзіны пазней. Трэба будзе паказаць што там за масты ды заліў, пазней неяк напэўна), дык вось, быў ён зачынены, але ж мы ў СФ і не збіраліся, таму гэта я так, ні да чаго паведаў аб ім. Дарэчы колькі там тыдняў таму страйку электрычак не было, вырашылі там усё неяк. Але ж хопіць аб лякальных транспартных справах, лепей аб нас цудоўных! :)

А нам тут сумна не было ;)

Ёсьць тут горы, землятрусы, гейзеры, а ёсьць і пячоры! Там яны ёсьць розные, ёсьць больш гарызантальныя, з доўгімі хадамі, а гэта вось, што мы наведалі - яна ідзе ў глыбіню. Найбольш вертыкальная з тых там. Да таго ж даволі вялікая. Ніякіх звілістых калідораў. Нешта накшталт вялізнай банкі з вельмі вузкім горлышкам, як адзіным уваходам. Але ж памеры гэтай прасторы.. Больш за 50 метраў увышыню(/глыбіню), там здолее памесціцца статуя свабоды :)
Калі раней я тут пісаў аб шахце - дык то штучнае, а гэтая пячора - яна натуральная :) Вось гэтая дзірка, у якую вы мяне бачыце спускаючымся, то як горлышка то самае (калісьці з яго нават выходзілі звукі, з гэтай пячэры, як стогны, так яе і знайшлі пачаткова (то часы залатой ліхаманкі (на самой справе ў ёй знайшлі розныя косткі старажытных людзей, але ж мы аб сучасных амерыканцах))) Трошкі святла там ёсьць унутрах, але ж каб зрабіць добрае фота без штатыву - недастаткова. А вось з успышкай магчыма толькі калі нешта побач (я напрыклад %) )

ці вось

там апасля вузкага жолубу (першых метраў 5-10), далей спускацца ўздоўж сценкі, АЛЕ Ж ЎНІЗЕ ПОТЫМ БЕЗДАНЬ МЕТРАЎ 30, КАЛІ ТЫ ЎЖО АНІЯКАЙ СЦЕНАЧКІ ПАД НАГАМІ НЕ МАЕШ (памятаеце, як банка ці бутылка тое, а ты вісіш з горлышка) І ПРОСТА ВІСІШ У ПАВЕТРЫ
вось фота не атрымалася, але гэта яна сама, тая пячэра (ну й я спрабаваў намаляваць як там чалавечак выглядае)

У правым верхнем куце бачна трошкі лесвіцы, калі па тросах ня вельмі жадаеш спускацца, у гэтай поласці яна ідзе вертыкальна ўверх, а далей вузкім расколам магчыма выйсці побач з той першапачатковай дзірой.

А да ўсяго гэтага ўнізе ёсьць таксама й вада, маленькая сажалка, больш за метр углыбіню, але ж памерам напэўна 5х5 ці 10х10, з камнямі ў ёй, якія не тонуць!!! (лава ды ўсё такое)

Зараз дадам не сваіх фота пячэры, з інэту, каб паказаць што там унутрах

Бачна там чалавека па тросе спускаючагася
Дарэчы гэтую лесвіцу праектаваў і будаваў той жа чалавек, што падараваў нам Голдэн Гейт мост!

ці вось.

Ну й тыя мясціны абжывалі ў часы залатой ліхаманкі, дык там так і засталіся маленькія гарадкі, пасярэдзіне ў нідзе, тых часоў..

ыц

San Francisco

2009-09-08T02:09:59Z

(сымбалі яго)

Тут бачна й піраміда Трансамерыка, злева, больш яе калі-небудзь потым, і туманы СФ-ныя, і Калумбус таўэр, у цэнтры, ён жа Сентынель білдынг, ён жа СФаўскі будынак-прас. Пабудаваны 100 гадоў таму, 1906-7 (адразу ж у 1906 быў вялікі землятрус тут, і яго амаль год аднаўлялі апасля гэтага, а ў 70тых яго аднаўляў ужо Фрэнсіс Форд Копала, якому зараз і належыць амаль усё ў гэтым будынку (а магчыма й не амаль, а ўвесь ён, ня ведаю дакладна))

Трансамерыцы ў мяне недзе ёсьць шмат фота, калі-небудзь потым. Ну а туманы - то неад'емная частка часткі СФ. Ад акіяна недзе палова гораду можа быць пад ім, калі ў тый жа час другая палова будзе з сонейкам.. :) Асабліва летам, калі спякотна, а акіян тут халодны.

neljudzim @ 2009-08-19T14:57:00

2009-08-19T21:58:07Z

Margaret Thatcher's quote -- "The problem with socialism is that eventually you run out of other people's money"

neljudzim @ 2009-08-16T13:07:00

2009-08-16T20:08:37Z

другія героі не ўсталёўваюцца на 64бітную вінду :\

neljudzim @ 2009-08-15T15:09:00

2009-08-15T22:43:49Z

я тут у лёгкай паніцы...
Праз недзе 4 гадзіны прылятае Кацянё маё. А я чамусьці тут расхваляваўся... :) Уж ня ведаю чаму.

Пакуль нада хуценька прыбрацца ў доме, падрыхтаваць усе, таму я, канешне ж, сеў пісаць ў жч у гэты час. :)

А ў нас тут ёсьць BART, такія электрычкі (у горадзе пад зямлёй, гэтакая сумесь электрычкі з мятро), дык вось сярод іх прафсаюзаў (іх некалькі) знайшліся падонкі, якія вырашылі што плаціць самім у пенсіённы фонд ім не падабаецца (увогуле яны там атрымліваюць вельмі добрыя грошы з бенефітамі), таму яны новы кантракт не падпішуць і выйдуць баставаць. І гэта калі амаль усе плоцяць самі, у лепшым выпадку ад працы дадаюць грошаў да гэтых выплат (напрыклад палову ад таго, што ты паклаў). І гэта калі навокал столькі беспрацоўных. І гэта калі шмат каму проста паменьшылі грошы зарабляемые. І гэта калі ў гэтай канторы недахоп 300 мільёнаў у бліжайшыя тры гады. І ГЭТА КАЛІ АД ІХ ЗАЛЕЖЫЦЬ 340 000 ЧАЛАВЕК КОЖНЫ ДЗЕНЬ (каб патрапіць на свае працы). Я б іх усіх пазвальняў. Гэта не нешта прыватнае, што зарабляе грошы на іх, гэта гос.кантора, частка інфраструктуры рэгіёну, яны проста не павінны мець такой магчымасці. Калісьці авіадыспетчеры паспрабавалі баставаць, і тады Рэйган імгненна ўсіх зволіў. ТАК! Таму ня ведаю што рабіць у панядзелак, а на працы ўжо даслалі імэйл: як патрапіць на працу - гэта асабістая справа кожнага, выхаднога няма.

Вакол СФ вада, і ёсьць масты і БАРТ.. Па мастах і так уранку не праехаць, а калі без БАРТу і дадаць усіх да мастоў зверх - то дупа.. Паралізаваная эрыя...

УУх, вельмі раззлаваны!

Добра, хопіць негатыву :)

Калі не аб СФ, дык аб наваколлі распавяду вам трошкі:
На поўнач, там дзе ўсе гэтыя вінныя Напы ды Саномы, там ня толькі чырвоныя насы ды вінаград, там ёсьць і гарачыя крыніцы, і ёсьць гейзеры!

Вось мы неяк і завіталі да аднаго:

(трошкі ўверсе не ўлез :\ )

Гэта прышпільна! Б'е кожныя (калі мы былі) недзе 15-20 хвілін, узімку павольней, ля 30 хвілін паміж гэтым.
А, і там навокал яго пахне серавадародам :)

Там жа пабачылі лам і нейкіх дзіўных казлоў: (гэта я аб жывёлах :) )

ды вось

Уж ня ведаю чаму ў іх па 4 рога..
Яны клёвыя :)

А таксама ў тых месцах ёсьць вадзяны млын, ён і зараз працуе, толькі ўжо не ад вады, а матор нейкі напэўна, але ж кола ўсё роўна цудоўнейшае!

(калі-небудзь буду там зноў я зраблю лепей фота, спадабалася мне гэта)

ыц

2009-08-13T08:00:10Z

ё!

Так, знік.

Збіраўся ўсё шмат пісаць аб наваколлі, аб розных цікавасцях у СФ, але лянуюся (як звычайна).
Ужо амаль месяц сіжу тут адзін, Кацёнца мяне пакінула змагацца з голадам ды пральнымі машынамі..
Але нічога, трымаюся цудоўна, усё добра і ў хаце чыста. :)

Аб СФ распавяду такі ў наступных пастах, бо ўсё жадаецца мне гэта зрабіць, а пакуль аб нас: у нас тут былі госці, узімку мы шмат былі на Таха, нарэшце падпарадкавалі сноўбарды сабе, гэта шмат фану і лёгка на самой справе, (галоўнае не спрабаваць прамой лініяй ехаць), даўно трэба было гэта зрабіць (лыжы таксама добра, ды, здаецца, кантролю больш, але дошка весялей :) )

(як заўжды аб зіме я пішу ўлетку, ужо традыцыя :) )

да вас продыджы едзе, і ў нас былі:

ні халеры не бачна, але ж гэта Кіт Флінт :)
таксама тут нават Ляпісы былі %) А два тыдні таму я прапінаў Снупа тут :\

А! Вось аб чым напішу!!! У нас тут дзіўныя амаль хатнія жывёлы (птушкі толькі, ды свабодныя): у нас зараз вісіць на балконе адмысловая кармушка-паілка і да нас увесь час прылятаюць калібры, кожныя хвілін 15 (а да гэтага мы іх бачылі раз-два ў год), ціўкаюць там нам :)

дарэчы гэтая чырвоная штука - яна недзе ля 8 см дыяметрам (гэта каб вы адчулі памеры ;) )
вада з цукрам там (4:1), як у кветках, гэта каб ім падсілкоўвацца каб лавіць потым розных дробных казурак.

Ну й хопіць на гэты пост :)

Чакайце шпацыроў па СФ, ён таго варты, каб яго пазнаць.

з.ы. а вы ведаеце, што titmouse гэта не сіськавая мыш, а сініца з ангельскай? ;D

neljudzim @ 2009-07-24T23:27:00

2009-07-25T06:28:05Z

нешта мяне паўсюль пераследуе гук мадэмнага канэкту..

neljudzim @ 2009-05-03T09:46:00

2009-05-03T16:47:35Z

Вось вам я

(калі хто запамятаваў як я выглядаю (ці й не бачыў ніколі)).

Ня памятаю толькі калі зроблены здымак. Тое, што ён зроблен Каціным тэлефонам кажа аб тым, што недзе ўвосень, але дзе гэта ды што я там раблю з такім жахам у валасах я ня ведаю..

neljudzim @ 2009-05-02T23:25:00

2009-05-03T06:50:22Z

Справаздача за тыдзень: а нічога й не было. Вось учора, пятніца, былі ў балеце, Jewels. Rubies частка там самая дзіўная, ды Стравінскі гучыць.

Хацеў аб СФ пісаць, але лянота ўначы, магу пералічыць асноўныя, здаецца, сымбалі, а вярнуцца да іх дакладней ужо потым. Першае гэта, зразумела ж, мост Залатыя Вароты (Golden Gate), потым, здаецца, ўзгоркі, знакамітыя па мноству фільмаў, дзе ўсялякія пагоні адбываюцца па іх на машынках. Алькатраз зразумела ж, але ён на вадзе, але таксама тут жа ж, у заліве, пры горадзе. Меньш знаёмае па-за межамі штатаў, але ж тым не меньш ня меньш значнае гэты трамвайчыкі кабельныя, будынак піраміда Трансамерыка. Вежа Койта. Ну й розныя факты, напрыклад тое, што хіппі рух пачаўся адсюль, Haight/Ashbury раёнчык у горадзе, там і зараз розныя хіпары/панкі/сацыялісты/раздзяўбаі ды іншае.. (Але ж і шмат прыгожых Віктарыанскіх будынкаў). А, дарэчы, віктарыанскія будынкі - таксама адны з сымбаляў СФ. Як-небудзь потым аб гэтым усім дакладней, у дэталях.

Вось вам фота, з вуліц СФ

Напэўна стаў стары ўжо я, пачалі замілоўваць мяне ўсялякія падобныя гэтаму рэчы.. :\

neljudzim @ 2009-04-30T22:57:00

2009-05-01T06:08:32Z

    Аднойчы шпацыравалі мы па набярэжнай у СФ, там ёсць адзін з пірсаў, які вялікая турысцкая радасць, там розныя крамы, снядальні, катэры па заліве праплысці, марскія львы зноў жа, і іншыя забаўкі, не звычайны службовы пірс. Пірс 39 гэта, ў прыватнасці, яно жа верф рыбака.

    Але ж вось аб чым я - ёсць там і крамачка, дзе прадаюць розныя эмблемы, гербы, усялякую сымболіку розных краін свету. Дык вось: уважліва ўзіраемся ў верхні правы кут планшэта з сцяжкамі: ;)

Нашыўкі на рукавы праўда з лукасьцягам там былі, але ўсё роўна прышпільна.    %)

Гэта было так нечакана - другі бок зямлі, і вось..

Зараз Кацёнца мае на закаўрашы паліто такое! :)

neljudzim @ 2009-04-29T23:44:00

2009-04-30T06:47:06Z

сваеасаблівае пачуццё гумару было ў мясцовых індзейцаў..

neljudzim @ 2009-04-28T22:46:00

2009-04-29T05:51:07Z

вось вам такія цалавaкі %)

(гэта калі год таму тут нас наведвалі мае бацькі, то тата зрабіў такі здымак у СФ заапарку)

стаўцеся добра да ўсіх

San Francisco

2009-04-28T03:35:20Z

Вось вам гэты горад, неба толькі ня вельмі і колеры на ім крывыя, гэта тады дожджык накрапваў. :)
Магчыма й ня вельмі якасна... У кроплях адлюстроўваўся свет гораду і атрымалася нябеснае святло ў начы (не было там месяцу (здаецца..)) :)

З левага боку бачны Бэй Брыдж (Голдэн Гейт ды Алькатраз з правага, але на здымку іх няма, не атрымалася ўсё разам, потым калі-небудзь зраблю панараму)

Гэта так бачна з Востраву Скарбаў :) (Р.Л. Стывенсан на поўначы адсюль меў землі з маёнткам).
Пасярод заліву тут востраў, Йерба Буэна, а да яго насыпалі штучны, вось яму і далі назву Востраў Скарбаў :) Калісьці там была база ваенная, зараз жа розныя людзі там, нават апартменты ёсьць, толькі ўвесь час ня вельмі там жыць, бо насыпалі з рознага смецця паміж іншым і невядома дакладна наколькі небяспечна там (ёсьць меркаванне што таксычна трошкі). %)

Буду час ад часу прысвячаць свае пасты тэме Сан Францыска ды розных сымбаляў яго.

%)

Aliens паміж нас..

2009-04-26T07:21:28Z

Думаеце яны прыйшлі з мірам?

Не, мэта адзіная - захапіць гэтую плянэту..

[Хутка ўвесь час усе будуць сядзець перад сваімі маніторамі і нічога не рабіць..]

neljudzim @ 2009-04-25T22:35:00

2009-04-26T06:10:53Z

Вось і я! %)

З'явіўся на хвіліначку ды зноў знік %) Але ж вось хуценька зараз запішу што і як, дзеля кронікаў маіх, ды як адказ на пост спадара mynthon :

Але ж паведаміць на самой справе амаль няма аб чым. :) Асноўнае - я зноў працую ў Сан Францыска!!! Задаволены - што дурны!

(Зразумела ж зараз ня вельмі час каб шукаць працу сабе, і варта не абмяжоўваць свае пошукі тэрытарыяльна, але ж ну нафік гэтыя сауз бэі (поўдзень заліву, тая самая сіліконавая даліна). Калі хто што запамятаваў - то да гэтага я чамусьці пачаў працаваць у Яху менавіта там, праз што пакутаваў жудасна, ехаць туды нязручна, на машынцы нешта ля гадзіны. Яху маюць шатлы - аўтобусы маршрутныя, але ж яны два разы ўраніцу ды два ўвечары, тобок ты прывязаны да часу менавітага, ды едуць яны амаль паўтары гадзіны, ды да таго ж не даходзілі яны да таго мястэчка, дзе мы жывем, таму вымушаны быў і да іх ехаць, +15 хвілін, амаль два часы атрымоўвалася ў адзін бок.. Разумееце якая дупа гэта было? А я нешта адразу й не чакаў што такая гэта праблема будзе, дарога.. Што значна меньш часу гэта будзе ды зручнее... Але ж пашанцавала - звольнілі %) )
Дык вось, зараз такі я з Сан Францыска, метраў 50 ад былой працы, зноў мае шпацыры па вуліцах у мяне, плаваю ў шчасці, натхняны сіці ды ўзбуджаны. Такі мне сумотна без гэтага.

Дарэчы шукаць нешта ў час гэтага дзяўбанага крызісу аніякай радасці няма.. :\

Вось здаецца і ўсё %)

Наведалі дзіўны Мінск узімку, тут потым па выхадных ездзілі ў Таха, шмат там снегу, аднойчы нават не каталіся, бо так сыпала ды ліло зверху ў той дзень, а месца, куды вырашылі патрапіць тым разам патрабавала ланцугі на колы, якіх у нас не было, што прымушаны былі ехаць дахаты..

Пару тыдняў атрымліваў дапамогу па беспрацоўі ад штату %)

Ня ведаю што было іншага, зразумела ж нешта адбывалася, потым што ўзгадаю - дадам

neljudzim @ 2009-04-13T23:27:00

2009-04-14T06:34:16Z

ну што, не чакалі? %) а я так, існую вось..

вось вам падгледжаннае:

neljudzim @ 2008-12-20T03:10:00

2008-12-20T11:16:06Z

Вось скажаце што гэта сьнежныя прасторы, а гэта на самой справе аблокі так, шчыльна %)

neljudzim @ 2008-12-09T20:05:00

2008-12-10T07:01:40Z

Набліжаецца тый самы дзень - хутка будзе перагорнута мая старонка яху. Лічаныя гадзіны засталіся.. :)
З аднаго боку я гэтага й жадаў (як некаторыя з вас ведаюць, хто ня ведае, то: зусім іншае чакалася мною, нешта ня так малявалася мне праца там, ды як ўсё павінна быццам адбывацца.. :\ (да таго ж кожны дзень 80 км у кожны бок - ну ў дупу, і калі спачатку былі думкі аб пераездзе ў сауз бэй (паўдневая частка заліву, сіліконавая даліна), то даволі хутка яны зніклі, няма чаго рабіць там жыць),і спрабаваў нават неяк запакойваць сябе раней - ну адпрацуеш год неяк (быў там адзін момант, праз які не зацікаўлены я быў спыніць працу раней), потым пачнеш глядзець навокал (нават калі гэта кепская штука - часта змяняць працу), а зараз яно само вырашылась як быццам на маю карысць (калі б не падзеі апошніх пары месяцаў (крызісы-шмызісы) - то атрымалася б мая мара ў гэтых усіх абставінах. :) ) і ня трэба чакаць больш (да таго ж адпускных дзён не назбіралася за гэты час шмат (а на некалькі толькі дзён ляцець у Мінск ня вельмі цікава), а так атрымліваецца пэўная свабода з гэтым), а з другога боку - ну зусім не самы падыходзячы зараз час каб выходзіць на рынак, ні на хвілінку не такі... :\ Нават наадварот, дупа навокал..

Ну а пакуль я толькі задаволены тым, што магчыма зноў быць з Сан Францыска ў маім жыцці, толькі пакуль нічога не вызначана дакладна з гэтым.. Ну паглядзім. :) Узбуджана ды ўзрушана гляжу ўперад!

Гэта так, асноўная мая навіна. :) Думаю што напішу потым некалькі пастоў, прысвечаных СФ.

Бензін цудоўна каштуе меней нават за тый час, калі мы толькі патрапілі сюды %) Магчыма заліваць па $1.75 за галон (3.78 літра) (меней за паўдаляра/літр) %)

Вось зноў з Кацёнцай ажаніліся, аднавілі нашага кахання статут :) Элвіс зноў жа.. :)

Вось што вы робіце з тухлянымі яйкамі? Выкідваеце ў сметніцу? А мы наадварот, набылі вось у краме, наўмысна, грошы заплацілі...
:) Гэта наконт рознага лайнаедства.. http://en.wikipedia.org/wiki/Century_eggs Калі толькі хопіць мужнасці такі пачаставацца імі :)

neljudzim @ 2008-11-29T16:25:00

2008-11-30T00:26:18Z

Зноў вітаю вас тут. Я нешта знік (шмат чаго адбываецца, што патрэбна неяк вырашыць, пазней аб гэтым), а абяцаўся скончыць папярэдні пост, што зараз хуценька й зраблю.

Вяртаюся да таго посту, аб Sequoia National Park ды Kings Canyon National Park: як я і казаў раней - яны там разам, едзеш па адным і трапляеш, нават не заўважыць амаль у які момант, у іншы, толькі шыльда пры дарозе кажа аб гэтым. І калі першы пост быў аб Sequoia NP, то гэты (невялічкі) - аб Kings Canyon NP. Дзеля злучэння з тым папярэднім пастом ўзгадаю яшчэ адну секвою адтуль: Секвою Генерала Гранта:

Так, я разумею што задзяўбаў ужо ўсіх гэтымі секвоямі, але ж: яна таксама вельмі вялікая, амаль такая ж як і секвоя генерала Шэрмана, памеры амаль тыя ж, як і аб'ём,але ж калі не гэтая вызначана, то саступае значыць. Окі, хопіць. %)

Kings Canyon NP:
Гэта горы, прыгожыя, распаведаць толькі амаль няма аб чым, вось некалькі фота:

гэта агульны від, напачатку яго, найбольш прыгожа там, дзе тыя горы, на якіх аблокі. У тую частку неадкладна мы й накіраваліся.

Недзе па шляху вось такія кручы ёсьць:

Весела ехаць па звілістых серпанцінах на вышыні, калі да таго ж над табой навісае такая каменная груда:

Чамусьці там было шмат палякаў, ля секвой Каця размаўляла з нейкай жанчынай, якая звярнулася да нас, правяраючы ці не палякі мы, па знешнему выгляду :) , калі мы даехалі да апошняй кропкі нашай паездкі, там нейкае месца, дзе магчыма жыць і адпачываць - толькі іх і чулі там :) Нашэсце іх у тый дзень было..
А, дарэчы, там жа, шпацыруючы па ўсіх гэтых дзіўных месцах, спрабуючы знайсьці сваё яднаньне з прыродай, натыкнуліся на горную рачулку з вельмі чыстай празрыстай вадою, вось:

Вось і ўсё. :)

Вось больш прыгожае напрыканцы, рознакаляровыя горы

Мішукі:

Але ж гэтыя два пасты на самой справе пісаліся зусім не дзеля гэтых двух нацыянальных паркаў, прыроды, краявідаў ці падарожжа як такога, я ж хацеў рассказаць вам аб наступным: МЫ БАЧЫЛІ МЯДЗВЕДЗЯЎ, ВЫХОДЗІЛІ ЯНЫ ДА НАС ТАМ, ЗАСВЕДЧЫЦЬ ПАВАГУ (узаемную) :)

гэта ў адным месцы было, там нават не адзін мішук, маладыя яны, ня самыя вялікія, тапталіся сабе, рылі нешта ў зямлі, на тое хто побач аніякай увагі не звярталі :) Такія цудоўныя! Так і хацелася падыйсьці бліжэй ды пакалашмаціць па шыйцы, але нешта нас стрымлівала.. %)

а каб падцвердзіць што гэта не выпадкова, што гэта не жарты, што гэта сур'ёзна, каб зацвердзіць сустрэчу з менавіта медзведзем, потым да нас выйшаў і сапраўды вялікі мішук. Ужо зусім не ў гэтым месцы, дзе даволі ажыўлёна, а далей, ехалі мы сабе, цішыня навокал, нікога, я заўважыў аленяў на схіле, і тут - глядзім, а на дарозе ідуць яшчэ алені, два, а за імі, ледзь далей, адзін вялізны мядзведзь пераходзіць...

Атрымалася гэта ўсё нечакана, раптоўна, таму пакуль схапіўся я за фоцік мы ўжо праехалі амаль гэтае месца, паволі (спыняцца зусім не сталі), ён сыйшоў з дарогі, але ж такі вось, размыты бок праз вакно

усё з гэтым, ну а я пакуль нырну ў надзённыя праблемы свае :)

P.S. Даведаўся што DJ Krush нарадзіўся ажно ў 1962ім годзе.. Зусім нечакана.. :\

neljudzim @ 2008-11-02T17:10:00

2008-11-03T02:26:13Z

Бензін усё танней..

У Мадонны на канцэртах нечакана магчыма натыкнуцца на цыганшчыну, нумары тры дзесьці.. І таксама нечакана агітацыя за Абаму яе, наскрозь палітызавана ўсё, жах! :)

Сонечнае надвор'е змянілася дажджамі, у чацвер пачалося, і я быў такі радасны-радасны, ледзь узрушанна, але ж разам з тым вельмі лёгка дыхаецца, я адчуў нейкае невядома дзе ў сабе даўно схаванае і амаль згубленнае пачуццё і зараз у ўзнятым настроі ўвесь гэты час :) [толькі ў пятніцу нешта навалілася, настальгія ды сумота, ажно цяжка зусім было ў некаторыя хвіліны, але затым я зноў з сабою ды адчуваю задавальненьне ад сусьвету і радуюся жыццю]

Мой продак - мядзведзь..

2008-11-02T22:28:45Z

Ёсьць такі гурт - Kamaedzitca, і ёсьць у іх песенка, назву якой вы бачыце вынесенай у тэму поста, але наконт гэтага далей у пасце..

Некалькі тыдняў таму былі наведаны Sequoia National Park (ды й Kings Canyon NP, яны там злучаны і пераходзяць адзін у другі па шляху, непрыкметна).

На самой справе секвоі там зусім не адразу, да іх нада праехаць пэўную адлегласьць (у горы), затое амаль адразу быў знойдзены там вось такі каменьчык, на які я неадкладна палез %)

Але ж аб секвоях, таму мы паехалі далей, па іх . Нечакана там з надвор'ем - то сонца, то праз хвіліну (і праз некалькі метраў (ці кілометраў)) ўсё мокрае ды нейкія дажджы, то зноў сонца, то туман.. Да таго ж такі моцны, што нічога не бачна, толькі белая смуга навокал.. А калі ты едзеш па гарах, па вузкай дарожцы, а ўбок ад цябе бездань - гэта бадзёрыць... Ехалі мы ў такія моманты вельмі павольна, забаўляючы сябе ўзгадваннем фільму Mist.. На самой справе яно клёва так у тумане, едзеш сабе і не адчуваеш нават ў якой рэчаіснасці ты, лёгка здаецца пераскочыць у любы іншы сьвет, які амаль такі ж, але ня той.. :)

Да дрэваў:

Секвоі:

Шмат іх (калі нават парк так названы). Лес.. Едзеш сабе, а па баках абодвух толькі й бачны такія волаты..

Трапляюцца некаторыя там зусім вялізнейшыя, сотні гадоў ці нават пара тысячагоддзяў.. Вось магчыма пабачыць спіл аднаго вялізнага старога дрэва, ня толькі пабачыць, але й дакрануцца, правесці далонню па паверхні, адчуць усе гэтыя гадавыя кольцы, палічыць іх, калі жадаеце..

Быў такі ролік па тб неяк - спіл вялізнейшага дрэва, гадавыя кольцы і пазначана на іх, ад цэнтру - ў гэтым годзе нарадзілася адна гістарычная знакамітасць, а ў гэтым - іншая, і г.д. А потым, недзе ля краю, сантыметр ці два - а ў гэтым нарадзіўся тый баран, што спілаваў гэтае дрэва.. %)

Так, секвоі - вялікія дрэвы, а вось адна прышпільная штука, якая з імі часам робіцца - гэта так званыя drive-through секвоі, калі ў іх прарабляюць праезд ці праход... %) Ёсьць, толькі не побач з намі, вертыкальна стаячыя, растуць яны, і праз іх можа праехаць аўто. :) Недзе на поўначы такія ў асноўным, але ёсьць і ў Йосеміцкім парку такая адна(здаецца адна).. [на самой справе і ў гэтым парку адна такая ёсьць, але мы туды не ехалі..]
А тут было трохі іншае напаткана, але ж усё роўна: ляжачае дрэва, упоперак сцяжынкі, і ў ім прарабілі праход.. %) Так што калі вы шпацыруеце там - то ідзеце менавіта скрозь :)

То ўпоперак ствалу праход, і дрэва ўнутрах цэльнае,
а вось у іншым месце мы знайшлі другое ляжачае дрэва, пустое, і ў ім магчыма хадзіць уздоўж %)

Яно там, як мы прачыталі, ляжыць ужо шмат часу, невядома колькі, калісьці розная паселенцы хаваліся ў ім ад непагадзі, а раней і ў індзейцаў часам гэта было сховішча..

Вось Каця выходзіць з яго, з каранёў..

Вось яшчэ дадам да дрэваў, у якія магчыма зайсьці: (там на самой справе шмат месца і можна зайсьці глыбей, тое што я тут тырчу - гэта каб быць бачным на фота, пры ўваходзе :) )

Калісьці, калі я быў малы, то ўяўляў сабе розныя дрэвы з дупламі (начытаўшыся казак), у якія можна залезці да хавацца там, а тое й жыць.. А зараз вось пабачылі такое... %)

Секвоя Генерала Шэрмана
Але ж секвоі растуць ня толькі ў гэтым парку, што ж такога тут ёсьць цікавага, спытаецеся вы? А ў гэтым парку расце знакамітая Секвоя Генерала Шэрмана, вядомая тым, што гэта самая вялікая па аб'ёму жывая зараз істота на Зямлі.. !!!
(там яно недзе амаль паўтары тысячы кубічных метраў, і працягвае расці вельмі павольна..)

гэты здымак зроблены з узвышшу там, таму розныя дрэвы тырчаць навокал ды замінаюць ды псуюць масштаб (дзеля яго лепей звярнуць увагу на людзей побач з ім)

Вось вам Кацёнца перад ім, на пэўнай адлегласці, адчуць памеры..

недзе ля дзвюх з паловай тысяч гадоў гэтаму дрэву..

Вось цудоўнейшы я %)

Вось яна з другогу боку, адсюль лепей бачна

Нешта вялікі ўжо атрымаўся пост, таму я працягну ў наступным, а гэты няхай застанецца цалкам прысвечаны секвоям, гэтым дзівосным волатам-гігантам, якія стаяць сабе ды спакойна глядзяць што адбываецца з сьветам навакольным усе гэтыя часіны..

так, хуценька

2008-10-30T03:37:09Z

1) навокал паўсюль адчуваецца што надыходзіць хэллоўін. Halloween, halloween - witches, witches can be seen..

2) бензінавыя кошты - $2.99 за галён рэгуляру (3.78 літра)

3) скажу што гэта па-дурацкі - абвесціць аб звальненнях і дадаць што вызначаць каго - праз месяц.. мараль -10000 адразу.

4) цікава і з выбарамі прэзідэнта праз тыдзень: яны прызначаны на аўторак, і гэта звычайны працоўны дзень..

neljudzim @ 2008-10-23T19:42:00

2008-10-24T02:45:16Z

у інтэрнэце можна быць кім заўгодна, нават самім сабою

(ледзь змянённае)